jueves, 6 de agosto de 2015

O VINDEIRO MARTES, 11, NA CASA DO CONCELLO

 
XUNTANZA EN
VILA DE CRUCES


A FEDERACIÓN DE ENTIDADES GALEGAS EN CATALUÑA FARÁ ENTREGA NESTE CONCELLO PONTEVEDRÉS DOS SEUS PREMIOS ALECRÍN
 
Manoel Carrete Rivera
 
            O presidente do Centro Galego de Barcelona, Manoel Carrete, confirmou a este blog que a Federación de Entidades Galegas de Catalunya, Fegalcat, da que é secretario xeral, entregará o vindeiro dia 11, no concello pontevedrés de Vila de Cruces, os seus premios Alecrín 2015 ós nomes mais destacados, segundo esta entidade, na defensa da cultura galega.
  
Xosé Manuel Piñeiro Borrajo

            Nesta ocasión recibirán os Alecrín, no apartado de innovación cultural, a Editorial Hugin e Munim, creada hai catro anos en Santiago de Compostela por Alejandro Tobar; no do deporte, por Manolo González, o adestrador lucense do Club de Fútbol Badalona; no da música, polo cantante Davide Salvado; no da comunicación, o popular presentador, cantante e showman ourensán Xosé Manoel Piñeiro, da Televisión de Galicia; e no da cultura, a poetisa Luz Pozo Garza, da Real Academia Galega. Tamén recibirá un Alecrin a Fundación Casa Museo A Solaina de Piloño, posta en marcha polo artista Francisco Lareo, finado hai tres anos.
 
 

1 comentario: