O CONCERTO DOS DOMINGOS

CORAL POLIFÓNICA CASABLANCA

DO CÍRCULO MERCANTIL DE VIGO

Fundada en 1957, nove anos despois pasou a integrarse no Círculo Mercantil e Industrial de Vigo e dende marzo de 2011 ten personalidade propia como Fundación Casablanca do Círculo Mercantil de Vigo.

Está clasificada como de Interés Cultural pola Xunta de Galicia e tamén de Interés Gallego, por Ordes do 14 de marzo e do 14 de xullo de 2011, respectivamente.

O seu primeiro director e fundador foi o P. Javier de Madrid, quen, ó pouco tempo, cedeu a batuta ó mestre e compositor Francisco Rey Rivero, de recoñecido prestixio entre os músicos galegos. O autor de “Terra meiga” e outros éxitos estivo á fronte da formación ata decembro de 1988, momento no que se incorporan a Coral A Marosa e o actual director, Óscar Villar Díaz e outros importantes integrantes.

Principiou deste xeito unha nova xeira, na que a Coral seguiu gañando prestixio e abordando proxectos moi novidosos, como a interpretación e grabación, con gran orquestra, de éxitos da música lixeira española, grandes creacións de artistas como Frank Sinatra, números de musicais que tiveron gran repercusión e, sempre, o mellor da música culta e do repertorio coral galego, ó que incorporaron temas como os dous que aquí podemos oir, éxitos nas voces de Amancio Prada e Fuxan os Ventos.

Campanas de Bastavales

(Poema de Rosalía de Castro)
Éxito de Amancio Prada

O MEU AMOR MARIÑEIRO

Éxito de Fuxan os Ventos

CUÉNTAME

Éxito de Fórmula V

ALGÚNS DOS SEUS DISCOS